കൊച്ചി: കേരള പത്രപ്രവര്‍ത്തക യൂനിയന്‍ സംസ്ഥാന സമ്മേളനത്തിന്റെ സ്വാഗതസംഘം ഓഫിസ് തുറന്നു. എറണാകുളം പ്രസ്‌ക്ലബ് ഹാളില്‍ ചേര്‍ന്ന യോഗത്തില്‍ മന്ത്രി ഇ.പി ജയരാജന്‍ ഓഫിസ് ഉദ്ഘാടനം ചെയ്തു.
മാധ്യമപ്രവര്‍ത്തകരുടെ സംഘടിത ശക്തി വര്‍ധിപ്പിക്കാന്‍ സമ്മേളനത്തിന് കഴിയട്ടെയെന്ന് അദ്ദേഹം ആശംസിച്ചു.
ചടങ്ങില്‍ പ്രസ്‌ക്ലബ്ബ് പ്രസിഡന്റ് കെ രവികുമാര്‍ അധ്യക്ഷനായി. ഹൈബി ഈഡന്‍ എം.എല്‍.എ, കൗണ്‍സിലര്‍ ഗ്രേസി ബാബു ജേക്കബ് എന്നിവര്‍ സംസാരിച്ചു. സെക്രട്ടറി എസ് ഉണ്ണികൃഷ്ണന്‍ സ്വാഗതവും, സംസ്ഥാന വൈസ് പ്രസിഡന്റ് ആര്‍ ഗോപകുമാര്‍ നന്ദിയും പറഞ്ഞു.
 ഒക്‌ടോബര്‍ 14, 15 തിയതികളില്‍ എറണാകുളം ടൗണ്‍ ഹാളിലാണ് സമ്മേളനം. പ്രസ് ക്ലബിന്റെ താഴെയുള്ള മുറിയിലാണ് ഓഫിസ് പ്രവര്‍ത്തിക്കുക.