ചെന്നൈ: തമിഴ്‌നാട്ടില്‍ 50 ഇടങ്ങളില്‍ അമ്മ വൈഫൈ വരുന്നു. ഇതിലൂടെ സൗജന്യ ഇന്റര്‍നെറ്റ് കണക്ഷന്‍ ലഭ്യമാക്കുകയാണ് ലക്ഷ്യം. അമ്മ വെള്ളം, അമ്മ സിമന്റ്, അമ്മ മരുന്നുകള്‍, അമ്മ കാന്റീന്‍ എന്നിവയ്ക്ക് പുറമേയാണ് അമ്മ വൈഫൈ സേവനം എത്തുന്നത്.
ബസ് സ്റ്റാന്‍ഡുകള്‍, പാര്‍ക്കുകള്‍, ഷോപ്പിങ് കോംപ്ലക്‌സ് എന്നിങ്ങനെ 50 ഇടങ്ങളിലാണ് സൗജന്യ വൈഫൈ ലഭ്യമാക്കുക. ഇതിനായി 10 കോടി രൂപയാണ് തുടക്കത്തില്‍ ചെലവഴിക്കുന്നത്. വര്‍ഷത്തില്‍ ഒന്നരക്കോടി വീതം ഇതിനായി മാറ്റിവയ്ക്കുമെന്നും ജയലളിത പറഞ്ഞു.