ഉജ്ജയിന്‍: മധ്യപ്രദേശില്‍ ജീപ്പും ട്രക്കും കൂട്ടിയിടിച്ച് പത്തുപേര്‍ മരിച്ചു. നാലു സ്ത്രീകളും മൂന്നു കുട്ടികളും മരിച്ചവരില്‍ ഉള്‍പ്പെടും. തൊഴിലാളികളാണ് മരിച്ചവരില്‍ ഭൂരിഭാഗവും.
 ഇരുവാഹനങ്ങളിലെ ഡ്രൈവര്‍മാര്‍ ഉള്‍പ്പെടെ 19 പേര്‍ക്ക് പരുക്കേറ്റു. ഇന്നലെ  രാവിലെ ദേവാസ്  ഉജ്ജയിന്‍ റോഡിലാണ് അപകടമുണ്ടായത്.
തൊഴിലാളികളുമായി വരികയായിരുന്ന ജീപ്പ് എതിര്‍ദിശയില്‍ നിന്ന് വരികയായിരുന്ന ട്രക്കില്‍ ഇടിക്കുകയായിരുന്നു. നാലു പേര്‍ അപകടസ്ഥലത്തുവച്ചുതന്നെ മരിച്ചു.
ബാക്കിയുള്ളവര്‍ ആശുപത്രിയിലേക്കുള്ള വഴിമധ്യേയാണ് മരിച്ചത്.