തൊട്ടില്‍പ്പാലം: വിവിധ മേഖലകളില്‍ എസ്.കെ.എസ്.എസ്.എഫിന്റെ സന്നദ്ധ വിഭാഗമായ വിഖായ വളണ്ടിയര്‍മാര്‍ ചെയ്തുവരുന്ന സേവനങ്ങള്‍ മാതൃകാപരമെന്ന് മുന്‍ എം.എല്‍.എ യു.സി രാമന്‍. എസ്.കെ.എസ്.എസ്.എഫ് കുറ്റ്യാടി മേഖലാ കമ്മിറ്റിയുടെ ആഭിമുഖ്യത്തില്‍ അടുക്കത്ത് യതീംഖാനാ കാംപസില്‍ സംഘടിപ്പിച്ച വിഖായ വളണ്ടണ്ടിയര്‍ കോണ്‍ഫറന്‍സ് 'ഹുല്‍വത്തെ ഖിദ്മത്ത് 16'ല്‍ മുഖ്യാതിഥിയായി പങ്കെടുത്തു സംസാരിക്കുകയായിരുന്നു അദ്ദേഹം. പരിപാടി സംസ്ഥാന സെക്രട്ടറി സന്താര്‍ പന്തല്ലൂര്‍ ഉദ്ഘാടനം ചെയ്തു. ഷൈജല്‍ അഹമ്മദ് അധ്യക്ഷനായി.
ചടങ്ങില്‍, ഈ വര്‍ഷം ആശുപത്രികള്‍ കേന്ദ്രീകരിച്ചു നോമ്പുതുറ-അത്താഴ-പെരുന്നാള്‍ ഭക്ഷണ വിതരണം നടത്തി മികച്ച സേവനം കാഴ്ചവച്ച കൂട്ടൂര്‍, ആശ്വാസി, പാറേമ്മല്‍ ശാഖകള്‍ക്ക് മൊമെന്റോ സമ്മാനിച്ചു. മികച്ച ചീഫ് കോഡിനേറ്റര്‍ക്കുള്ള ഉപഹാരം ജുനൈദ് ഞള്ളോറക്കും കോഡിനേറ്റര്‍ക്കുള്ള ഉപഹാരം റമീസ് വട്ടോളിക്കും നല്‍കി. സയ്യിദ് ഷറഫുദ്ദീന്‍ ജിഫ്‌രി പ്രാര്‍ഥന നടത്തി. മജ്‌ലിസുന്നൂറിന് മുനീര്‍ ഫൈസി ഇര്‍ഫാനി നേതൃത്വം നല്‍കി.
ടി.വി.സി അബ്ദുസ്സമദ് ഫൈസി, ഒ.പി.എം അഷ്‌റഫ്, ഖാസിം നിസാമി, ഷമീം ഫൈസി മഞ്ചേരി, ശ്രീജേഷ് ഊരത്ത്, ഇസ്മാഈല്‍ ദാരിമി വെള്ളമുണ്ടണ്ട, അഷ്‌റഫ് അമാനി, മൊയ്തു ബാഖവി, യു.കെ അബ്ദുല്‍ ഹമീദ് ഹാജി, വണ്ണാറത്ത് അബ്ദുറഹ്മാന്‍ മാസ്റ്റര്‍, റഫീഖ് ടി.പി കൊടക്കല്‍, മുഹമ്മദലി മുസ്‌ലിയാര്‍ വേളം, ടി.കെ അബ്ദുറഹ്മാന്‍ മാസ്റ്റര്‍, ആര്‍.കെ സുഗുണന്‍, ഡോ. സമീര്‍ അഹമ്മദ്, കെ.പി ഷൗക്കത്ത് മാസ്റ്റര്‍ സംസാരിച്ചു.