കോഴിക്കോട്: നാളികേര സംഭരണത്തിന് കര്‍ഷകര്‍ക്ക് കുടിശ്ശിക വിതരണം ചെയ്യണമെന്ന് സ്വതന്ത്ര കര്‍ഷകസംഘം ജില്ലാ കൗണ്‍സില്‍മീറ്റ് ആവശ്യപ്പെട്ടു. കഴിഞ്ഞ വേനലില്‍ ഉണങ്ങിയ തെങ്ങുകളുടെ എണ്ണത്തിനനുസരിച്ച് കര്‍ഷകര്‍ക്ക് നഷ്ടപരിഹാരം വിതരണം ചെയ്യുന്നതിനുള്ള നടപടി കൈകൊള്ളണമെന്നും കൗണ്‍സില്‍ ആവശ്യപ്പെട്ടു.
കോഴിക്കോട് ബാഫഖി കര്‍ഷകഭവനില്‍ നടന്ന പരിപാടിയില്‍ പാറക്കല്‍ അബ്ദുല്ല എം.എല്‍.എക്കു കമ്മിറ്റി നല്‍കിയ സ്വീകരണവും കൗണ്‍സില്‍മീറ്റും മുസ്‌ലിം ലീഗ് ജില്ലാപ്രസിഡന്റ് ഉമ്മര്‍ പാണ്ടികശാല ഉദ്ഘാടനം ചെയ്തു.
പ്രസിഡന്റ് കെ.കെ അബ്ദുറഹ്മാന്‍ അധ്യക്ഷനായി. സംസ്ഥാന പ്രസിഡന്റ് കുറുക്കോളി മൊയ്തീന്‍ മുഖ്യപ്രഭാഷണം നടത്തി.
ജില്ലാ ജന. സെക്രട്ടറി ടി.പി മാമു, ഒ.പി മൊയ്തീന്‍, നസീര്‍ വളയം, പി. ബീരാന്‍കുട്ടി ചെറൂപ്പ സംസാരിച്ചു.