മാനന്തവാടി: 'നിര്‍ത്തൂ വെറുപ്പിന്റെ രാഷ്ട്രീയം' എന്ന പ്രമേയവുമായി പോപ്പുലര്‍ ഫ്രണ്ട് ഓഫ് ഇന്ത്യ ദേശീയ ക്യാംപയിന്റെ ഭാഗമായി ജില്ലാ കമ്മറ്റി സംഘടിപ്പിച്ച വാഹന ജാഥ രണ്ടാം ദിന പര്യടനം പൂര്‍ത്തിയാക്കി. വയനാട് കലാകേന്ദ്രയുടെ കലാകാരന്മാര്‍ അവതരിപ്പിക്കുന്ന 'കുരുതിപ്പാടങ്ങള്‍' എന്ന തെരുവ് നാടകവും ജാഥയില്‍ അവതരിപ്പിക്കുന്നുണ്ട്.
രാവിലെ കൂളിവയലില്‍ നിന്നും ആരംഭിച്ച ജാഥ അഞ്ചുകുന്ന്, അഞ്ചാം മൈല്‍, കുപ്പാടിത്തറ, വെണ്ണിയോട്, പിണങ്ങോട്, പൊഴുതന, കാവുംമന്ദം, പടിഞ്ഞാറത്തറ എന്നീ കേന്ദ്രങ്ങളില്‍ പര്യടനം നടത്തി തരുവണയില്‍ സമാപിച്ചു.
സമാപന പൊതുയോഗത്തില്‍ സഹീര്‍ അബ്ബാസ് സഅദി മുഖ്യ പ്രഭാഷണം നടത്തി. വിവിധ കേന്ദ്രങ്ങളില്‍ വി സുലൈമാന്‍, ഫസലുറഹ്മാന്‍, എസ് മുനീര്‍ സംസാരിച്ചു. ഇന്നു രാവിലെ പട്ടാണികൂപ്പില്‍ നിന്നും ആരംഭിച്ച് ബത്തേരി സമാപിക്കും.