പയ്യാവൂര്‍: സ്വാശ്രയ മെഡിക്കല്‍ ഫീസ് വര്‍ധനവിനെതിരേ യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍ കുര്യാക്കോസ്, വൈസ്. പ്രസിഡന്റ് സി.ആര്‍.മഹേഷ് എന്നിവര്‍ അഞ്ചു ദിവസമായി നടത്തി വരുന്ന നിരാഹാര സമരപ്പന്തലില്‍ പൊലിസ് കയറി നടത്തിയ അക്രമത്തിനെതിരേയും യൂത്ത് കോണ്‍ഗ്രസ് നേതാക്കള്‍ക്കെതിരേ പൊലിസ് കണ്ണൂരില്‍ നടത്തിയ അതിക്രമങ്ങള്‍ക്കെതിരേയും യൂത്ത് കോണ്‍ഗ്രസ് സംസ്ഥാന സെക്രട്ടറി ജോഷി കണ്ടത്തിലിന്റെ നേതൃത്യത്തില്‍ ശ്രീകണ്ഠാപുരത്ത് പ്രതിഷേധ പ്രകടനം നടത്തി. 

മുഖ്യമന്ത്രിയുടെ കോലവും കത്തിച്ചു. നേതാക്കളായ പി.ജെ ആന്റണി, എം.എം മാധവന്‍, ഡോ.കെ.വി ഫിലോമിന, രഞ്ചിത്ത് നടുവില്‍, വിജേഷ് ആന്റണി, വാസു ചെങ്ങളായി, ഷിന്റോ ലൂക്ക, ജോബിന്‍ ജോസ്, ജുവല്‍. കെ ജോസ്, എ.വി ശശിധരന്‍, പി.ജി ബേബി, അപ്പു കണ്ണാവില്‍, ജോണി മുണ്ടയ്ക്കല്‍നേതൃത്വം നല്‍കി.