തളിപ്പറമ്പ്: ബക്കളം രജീഷ് വധക്കേസില്‍ പൊലിസ് തെളിവെടുപ്പ് പൂര്‍ത്തിയാക്കി. കഴിഞ്ഞ ദിവസം കോടതിയില്‍ നിന്നു കസ്റ്റഡിയില്‍ വാങ്ങിയ പ്രതി പി.ടി രാഗേഷി(35)നെയും കൊണ്ട് അതീവ രഹസ്യമായിട്ടായിരുന്നു തെളിവെടുപ്പ് പൂര്‍ത്തിയാക്കിയത്. രജീഷിന്റെ മൃതദേഹം കണ്ടെണ്ടടുത്ത ബക്കളം നെല്ലിയോട്ട് അമ്പലത്തിനു സമീപത്തെ കിണര്‍, മാതമംഗലം കുറ്റൂരിലെ സഹോദരിയുടെ വീട്, ചോരപുരണ്ടണ്ട വസ്ത്രം ഉപേക്ഷിച്ച കുറ്റൂരിലെ പുഴയോരം, പറശ്ശിനിക്കടവ് സ്‌കൂള്‍ പരിസരം എന്നിവിടങ്ങളിലെല്ലാം തെളിവെടുപ്പു നടത്തി. കൊലപാതകം നടത്തിയതും മൃതദേഹം കിണറ്റില്‍ തള്ളിയതുമടക്കമുള്ള കാര്യങ്ങള്‍ പ്രതി പൊലിസിനോട് വിശദീകരിച്ചു. തെളിവെടുപ്പു ഘട്ടങ്ങളില്‍ വികാരാധീനനായിരുന്നു രാഗേഷെന്ന് പൊലിസ് പറഞ്ഞു.