തൃക്കരിപ്പൂര്‍: ഓട്ടോെ്രെഡവറെ അകാരണമായി മര്‍ദിച്ചെന്നാരോപിച്ച് ഓട്ടോ െ്രെഡവര്‍മാര്‍ മിന്നല്‍പണിമുടക്കും ഉപരോധവും നടത്തി. കഴിഞ്ഞ ദിവസം വൈകീട്ട് തൃക്കരിപ്പൂര്‍ ഫാര്‍മേഴ്‌സ് ബാങ്ക് പരിസരത്ത് ഓട്ടോ െ്രെഡവറായ ആയിറ്റിയിലെ ടി.കെ ഷിജുവിനെ അക്രമിച്ചെന്നാരോപിച്ചാണ് ഇന്നലെ ഓട്ടോ െ്രെഡവര്‍മാര്‍ മിന്നല്‍ പണിമുടക്കു നടത്തിയത്. ഷിജു ഓടിച്ചിരുന്ന ഓട്ടോ തൊട്ടു പിന്നിലുള്ള കാറിനു കടന്നുപോകാന്‍ സൈഡ് കൊടുത്തില്ലെന്നാരോപിച്ചായിരുന്നു അക്രമമെന്നു ദൃക്‌സാക്ഷികള്‍ പറഞ്ഞു. ഷിജുവിനെ ചെറുവത്തൂരിലെ സ്വകാര്യാശുപത്രിയില്‍ പ്രവേശിപ്പിച്ചു.
ഇതിനിടെ അക്രമത്തിനു നേതൃത്വം കൊടുത്തുവെന്നു പറയപ്പെടുന്ന രണ്ടുപേര്‍ തൃക്കരിപ്പൂരിലെ സ്വകാര്യാശുപത്രിയില്‍ ചികില്‍സ തേടിയെത്തിയത് ഓട്ടോ ഡ്രൈവര്‍മാരെ പ്രകോപിപ്പിച്ചു.
ആശുപത്രിയില്‍ കഴിയുന്നവരെ അറസ്റ്റ് ചെയ്യണമെന്നാവശ്യപ്പെട്ട് ആശുപത്രിക്കു മുന്നില്‍ ഓട്ടോഡ്രൈവര്‍മാര്‍ തടിച്ചുകൂടി. നീലേശ്വരം സി.ഐ ഉണ്ണികൃഷ്ണന്റെ നേതൃത്വത്തിലുള്ള പൊലിസ് സംഘം ഓട്ടോ െ്രെഡവര്‍മാരുമായി സംസാരിച്ചെങ്കിലും പിരിഞ്ഞുപോകാന്‍ തയാറായില്ല. ഇതു പിന്നീട് ഉപരോധമായി മാറിയതോടെ ആശുപത്രിയില്‍ കഴിയുന്ന രണ്ടുപേരെയും ആശുപത്രി നടപടി പൂര്‍ത്തിയായ ശേഷം അറസ്റ്റു ചെയ്തു.