കൊപ്പം: തിരുവേഗപ്പുറ പഞ്ചായത്ത് സമഗ്ര വിദ്യാഭ്യാസ പരിപാടി എജുവേഗയുടെ ഭാഗമായി അധ്യാപകര്‍ക്കായി പ്രത്യേക പരിശീലന പരിപാടി 'എന്‍വിഷന്‍' സംഘടിപ്പിച്ചു. ബ്ലോക്ക് പഞ്ചായത്ത് പ്രസിഡന്റ് കമ്മുക്കുട്ടി എടത്തോള്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ടി.പി. ശാരദ അധ്യക്ഷയായി.
പഞ്ചായത്തില്‍ നിന്നും എല്‍.എസ്.എസ്, യു.എസ്.എസ്, എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നതവിജയം നേടിയ വിദ്യാര്‍ഥികള്‍ക്ക് ഉപഹാരം നല്‍കി. മൂന്നാം ക്ലാസ് വിദ്യാര്‍ഥികള്‍ക്കായി തയ്യാറാക്കിയ ഇംഗ്ലീഷ് പരിശീലന പുസ്തകമായ 'ക്രിസാലിസ്' പ്രകാശനം ഡയറ്റ് പ്രിന്‍സിപ്പല്‍ രാജേന്ദ്രന്‍ നിര്‍വഹിച്ചു. പ്രമുഖ ട്രൈനര്‍ മാണി പോള്‍ ക്ലാസെടുത്തു .എം.എ. സമദ്, എ.ഇ.ഒ ഡി. ഷാജിമോന്‍, ബ്ലോക്ക് പഞ്ചായത്തംഗം കെ.കെ.എ. അസീസ്, ടി.പി. കേശവന്‍, സരിത മോഹന്‍, എം.വി. അനില്‍ കുമാര്‍, പി.കെ. സതീശന്‍, ലീന, സി.എസ്. ലംബോദരന്‍, ജോസ് എബ്രഹാം, കെ. പ്രദീപ്, എം. ഷഹീദലി, സി. അബ്ദുല്‍ സലാം, എ.കെ. മുഹമ്മദ്കുട്ടി സംസാരിച്ചു. പഞ്ചായത്തിലെ വിവിധ സ്‌കൂളുകളില്‍നിന്നുള്ള 200ഓളം അധ്യാപകര്‍പങ്കെടുത്തു.