തൃശൂര്‍: വിദ്യാഭ്യാസ സ്ഥാപനങ്ങളില്‍ നിന്നും സാഹിത്യത്തെ എടുത്തുകളയുന്ന സമ്പ്രദായത്തില്‍ നിന്ന് വിദ്യാഭ്യാസ വിചഷണന്മാര്‍ പിന്മാറണമെന്നും ഷേക്‌സ്പിയര്‍ അടക്കമുള്ളവരുടെ ഇംഗ്ലീഷ് സാഹിത്യത്തെ പുതിയ തലമുറക്ക് പരിചയപ്പെടുത്തും വിധം വിദ്യാഭ്യാസ വിപുലീകരണം ഉണ്ടാകണമെന്നും പ്രൊ.എം.ലീലാവതി പ്രസ്താവിച്ചു.
3000 ബി.സി സ്‌ക്രിപ്റ്റ് മൃൂസിയം പ്രസിദ്ധീകരിച്ച പ്രൊ.കെ.വി രാമകൃഷ്ണന്റെ ഷേക്‌സ്പിയര്‍ ഇന്ത്യന്‍ പരിപ്രേക്ഷ്യത്തില്‍ എന്ന പുസ്തകം പ്രകാശനം ചെയ്ത് സംസാരിക്കുകയായിരുന്നു അവര്‍.
കേരള സാഹിത്യ അക്കാദമി ഹാളില്‍ നടന്ന പുസ്തക പ്രകാശന ചടങ്ങില്‍ കേരള സാഹിത്യ അക്കാദമി സെക്രട്ടറി ഡോ കെ.പി മോഹനന്‍ അധ്യക്ഷനായി.
ഡോ. കാവുമ്പായി ബാലകൃഷ്ണന്‍, എന്‍.രാജന്‍, ടി.ജി അജിത, മധു നുറുങ്ങ്, ടി.കെ രതീഷ് എന്നിവര്‍ സംസാരിച്ചു.