എരുമേലി: ശ്വാസതടസം അനുഭവപ്പെട്ടതിനെ തുടര്‍ന്ന് തിരികെ കയറാനാവാതെ കിണറ്റിലകപ്പെട്ട മധ്യവയസ്‌ക്കനെ രക്ഷിച്ചു.
ശ്രീനിപുരം പുറത്തേമുറിയില്‍ അജയകുമാറാണ് (41) കിണറ്റിലകപ്പെട്ടത്. ശനിയാഴ്ച വൈകിട്ട് 6.45 ഓടെയാണ് സംഭവം. ചത്തുകിടന്ന പട്ടിയെ എടുത്തുകളഞ്ഞ് കിണര്‍ വ്യത്തിയാക്കാന്‍ 40 അടിയോളം താഴ്ചയുളള സമീപവാസിയുടെ കിണറ്റില്‍ ഇറങ്ങിയതായിരുന്നു അജയകുമാര്‍. എന്നാല്‍ രണ്ട് ദിവസം പഴക്കമുളള പട്ടിയുടെ ജഡത്തില്‍ നിന്നുണ്ടായ ദുര്‍ഗന്ധം സഹിക്കാനാവാതെ അജയകുമാറിന് ശ്വാസം മുട്ടല്‍ അനുഭവപ്പെടുകയായിരുന്നു.   
തുടര്‍ന്ന് നാട്ടുകാര്‍ വിവരമറിയിച്ചതിനെ തുടര്‍ന്ന് കാഞ്ഞിരപ്പളളിയില്‍ നിന്നുളള ഫയര്‍ഫോഴ്‌സ് സംഘം സ്ഥലത്തെത്തി ഇയാളെ കരക്കെത്തിച്ച ശേഷം ഫയര്‍ഫോഴ്‌സ് ആംബുലന്‍സില്‍ എരുമേലി സാമൂഹികാരോഗ്യ കേന്ദ്രത്തില്‍ എത്തിച്ചു.