കൊച്ചി: വ്യാപാരി വ്യവസായി സമിതി എറണാകുളം ജില്ലാ സമ്മേളനത്തിന്റെ ലോഗോ വ്യവസായ മന്ത്രി ഇ പി ജയരാജന്‍ പ്രകാശനം ചെയ്തു. പ്രസ് ക്ലബ്ബ് ഹാളില്‍ നടന്ന ചടങ്ങില്‍ സ്വാഗത സംഘം ചെയര്‍മാന്‍ സക്കീര്‍ ഹുസൈന് നല്‍കിയാണ് പ്രകാശനം ചെയ്തത്.
വ്യവസായങ്ങള്‍ വളരണമെങ്കില്‍ കച്ചവട സ്ഥാപനങ്ങള്‍ക്ക് ഉയര്‍ച്ചയുണ്ടാകണമെന്ന് മന്ത്രി ലോഗോ പ്രകാശനം നിര്‍വഹിച്ച് പറഞ്ഞു. കച്ചവടക്കാര്‍ സജീവമാകുന്നതിലൂടെ മാത്രമേ വ്യവസായ മേഖല മുന്നോട്ട് പോവുകയുള്ളുവെന്ന് അദ്ദേഹം കൂട്ടിച്ചേര്‍ത്തു. ഒക്ടോബര്‍ എട്ട്, ഒന്‍പത് തീയതികളില്‍ കളമശ്ശേരി, കാക്കനാട് എന്നിവിടങ്ങളില്‍ വെച്ചാണ് സമ്മേളനം നടക്കുന്നത്.