കാക്കനാട്: ചെമ്പ്മുക്കില്‍ കാറിലെത്തിയ അഞ്ചംഗ സംഘം ഓട്ടോറിക്ഷാ ഡ്രൈവറെ ക്രൂരമായി മര്‍ദ്ദിച്ചു. ചെമ്പ്മുക്ക് പുളിക്കില്ലം വെസ്റ്റ് റോഡില്‍ ചെട്ടിപ്പറമ്പില്‍ സിജു ജോസഫാണ് മര്‍ദത്തിനിരയായത്.
സംഭവത്തില്‍ ചെമ്പ്മുക്ക് സ്വദേശികളായ ഫാരീസ് (20) ദില്‍ ജോ(24) റിജു (24) ജാക്‌സണ്‍ (25) നസീബ് ( 26) എന്നിവരെ പൊലിസ് കസ്റ്റഡിയിലെടുത്തു.
ഇവര്‍ സഞ്ചരിച്ചിരുന്ന കാര്‍ തട്ടി റോഡില്‍ വീണ സൈക്കിള്‍ യാത്രികനെ ആശുപത്രിയിലെത്തിക്കുന്നതുമായി ബന്ധപ്പെട്ട തര്‍ക്കത്തേ തുടര്‍ന്നാണ് മര്‍ദനമുണ്ടായതെന്ന് പൊലിസ് പറഞ്ഞു. പ്രതികളില്‍ ഒരാള്‍ തൃക്കാക്കര നഗരസഭയിലെ വനിതാ കൗണ്‍സിലറുടെ മകനാണ്.
 പ്രതികള്‍ മദ്യപിച്ചിരുന്നതായി ഓട്ടോറിക്ഷാ തൊഴിലാളികള്‍ പറഞ്ഞു. കേസ് രജിസ്റ്റര്‍ ചെയ്ത തൃക്കാക്കര പൊലിസ് പ്രതികളെ മജിസ്‌ട്രേറ്റിനു മുന്നില്‍ ഹാജരാക്കി റിമാന്‍ഡ് ചെയ്തു.