തൊടുപുഴ: വധശ്രമ കേസില്‍ ഒളിവില്‍ കഴിഞ്ഞിരുന്ന പ്രതിയെ തൊടുപുഴ പൊലിസ് അറസ്റ്റ് ചെയ്തു. പെരുമ്പിള്ളിച്ചിറ പുതിയകുന്നേല്‍ സുനീറിനെ (സെറ്റപ്പ്- 35)യാണ് ഷാഡോ പൊലിസ് അറസ്റ്റ് ചെയ്തത്. വെങ്ങല്ലൂര്‍ പള്ളിപ്പീടിക ചോളക്കുന്നേല്‍ ജമാലിനെ കുത്തിക്കൊലപ്പെടുത്താന്‍ ശ്രമിച്ച കേസിലാണ് അറസ്റ്റ്.
കഴിഞ്ഞ ജൂണ്‍ ആറിന് പെരുമ്പിള്ളിച്ചിറ ടൗണിലായിരുന്നു വധശ്രമം. സാമ്പത്തികതര്‍ക്കത്തെ തുടര്‍ന്നുള്ള വൈരാഗ്യമാണ് കൊലപാതകശ്രമത്തിന് കാരണം. സംഭവത്തിനു ശേഷം പ്രതി ഒളിവില്‍ പോവുകയായിരുന്നു. എറണാകുളത്ത് ഡ്രൈവറായി ജോലി ചെയ്തിരുന്ന ഇയാള്‍ നാട്ടില്‍ എത്തിയെന്ന് വിവരം ലഭിച്ചതിന്റെ അടിസ്ഥാനത്തില്‍ പിടികൂടുകയായിരുന്നു.
ഇയാള്‍ നിരവധി മോഷണകേസുകളില്‍ പ്രതിയാണെന്ന് പൊലിസ് അറിയിച്ചു. കോടതിയില്‍ ഹാരാക്കിയ പ്രതിയെ റിമാന്‍ഡ് ചെയ്തു.