റായ്പുര്‍: മുന്‍ നക്‌സലുകള്‍ ഇപ്പോള്‍ മാവോയിസ്റ്റ് വിരുദ്ധ സേനയില്‍. ഛത്തീസ്ഗഡില്‍ പൊലിസില്‍ കീഴടങ്ങിയ മൂന്നു വനിതാ നക്‌സല്‍ പ്രവര്‍ത്തകരാണ് മാവോയിസ്റ്റ് വിരുദ്ധ പ്രവര്‍ത്തനങ്ങളില്‍ പങ്കാളികളാകുന്നത്. ഛത്തീസ്ഗഡിലെ ബസ്തറിലാണ് സംഭവം. കോസി, ഫുലോ മാര്‍കം, കവിത കശ്യപ് എന്നി മൂന്നു വനിതകളാണ് മാവോയിസ്റ്റ് വേട്ടയില്‍ പങ്കാളികളാവുന്നത്.
മാവോയിസ്റ്റ്‌വിരുദ്ധ പ്രവര്‍ത്തനങ്ങളില്‍ പങ്കെടുക്കാന്‍ ഇവര്‍ക്ക് ആയുധങ്ങളും നല്‍കിയിട്ടുണ്ട്. നക്‌സലുകളായിരുന്ന ഇവര്‍ കഴിഞ്ഞവര്‍ഷമാണ് പൊലിസില്‍ കീഴടങ്ങിയത്. ഇത് ആദ്യമായാണ് മാവോയിസ്റ്റ് വിരുദ്ധ ഓപ്പറേഷനുകളില്‍ വനിതാ കമാന്‍ഡര്‍മാരെ പങ്കെടുപ്പിക്കുന്നത്.