നന്തിക്കര: സംസ്ഥാനത്തെ എല്ലാ ഹൈസ്‌കൂള്‍, ഹയര്‍ സെക്കന്‍ഡറി വിദ്യാലയങ്ങളും ഡിജിറ്റലാക്കുന്നതിനുള്ള നടപടിക്രമങ്ങള്‍ ആരംഭിച്ചതായി വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ്.
കണ്ടശാംകടവില്‍ പ്രൊഫ. ജോസഫ് മുണ്ടശ്ശേരിയുടെ നാമധേയത്തിലുള്ള സര്‍ക്കാര്‍ സ്‌കൂളില്‍ നിന്നായിരിക്കും ഇതിനു തുടക്കമിടുന്നതെന്നും മന്ത്രി പറഞ്ഞു. നന്തിക്കര ജി.വി.എച്ച്എസ്.എസില്‍ പൂര്‍വ വിദ്യാര്‍ഥി മഹാസംഗമം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
പറപ്പൂക്കര പഞ്ചായത്ത് പ്രസിഡന്റ് കാര്‍ത്തിക ജയന്‍, ജില്ലാ പഞ്ചായത്ത് അംഗം ടി.ജി ശങ്കരനാരായണന്‍, പ്രധാനാധ്യാപകന്‍ കെ.രാജന്‍, വി.സി നാരായണന്‍കുട്ടി, കെ.ഉഷാദേവി എന്നിവര്‍ സംസാരിച്ചു. സി.എസ് മനോജ് സ്വാഗതവും, വി.എസ് വേണു നന്ദിയും പറഞ്ഞു. ഭാരവാഹികള്‍: വി.സി നാരായണന്‍കുട്ടി (പ്രസിഡന്റ്), സി.എസ് മനോജ് (സെക്രട്ടറി).