കല്‍പ്പറ്റ: മികച്ച വികലാംഗ ജീവനക്കാര്‍ക്കും തൊഴില്‍ദായകര്‍ക്കും വികലാംഗക്ഷേമ രംഗത്തു മികച്ച സേവനം നടത്തുന്ന സ്ഥാപനങ്ങള്‍ക്കുമുള്ള ഈ വര്‍ഷത്തെ സംസ്ഥാന അവാര്‍ഡിനു അപേക്ഷ ക്ഷണിച്ചു. തദ്ദേശ സ്വയംഭരണ സ്ഥാപനങ്ങള്‍ ഉള്‍പ്പെടെയുള്ള കേന്ദ്ര സംസ്ഥാന സര്‍ക്കാര്‍ വകുപ്പുകള്‍, പൊതുമേഖലാ സ്ഥാപനങ്ങള്‍, സഹകരണ സ്ഥാപനങ്ങള്‍, സ്വകാര്യമേഖലാ സ്ഥാപനങ്ങള്‍ എിവയില്‍ ജോലി ചെയ്യുന്ന അന്ധര്‍, ബധിരര്‍, അസ്ഥിസംബന്ധമായ വൈകല്യമുള്ളവര്‍, മാനസിക വെല്ലുവിളി നേരിടുന്നവര്‍, ബുദ്ധിമാന്ദ്യം സംഭവിച്ചവര്‍ എന്നീ വിഭാഗങ്ങളില്‍പ്പെട്ട വികലാംഗ ജീവനക്കാര്‍ക്കും ഏറ്റവും കൂടുതല്‍ വികലാംഗര്‍ക്കു തൊഴില്‍ നല്‍കിയിട്ടുള്ള തൊഴില്‍ദായകര്‍ക്കും വികലാംഗക്ഷേമ രംഗത്തു മികച്ച സേവനം നടത്തുന്ന സ്ഥാപനങ്ങള്‍ക്കുമാണ് അവാര്‍ഡ്. അപേക്ഷ ഒക്‌ടോബര്‍ 20നു മുന്‍പായി ജില്ലാ സാമൂഹ്യനീതി ഓഫിസുകളില്‍ നല്‍കണം.