നാദാപുരം: പ്രദേശത്തെ സൗഹൃദാന്തരീക്ഷവും സമാധാനവും തിരിച്ചുകൊïുവരുന്നതിനായി എസ്.വൈ.എസ് നാദാപുരം മണ്ഡലം കമ്മിറ്റി 'ശാശ്വത ശാന്തിക്ക് ജനബോധം' പ്രമേയത്തില്‍ കാംപയിന്‍ ആചരിക്കുന്നു. കാംപയിന്‍ ഉദ്ഘാടനം ഒക്ടോബര്‍ മൂന്നിനു വൈകിട്ടു നാലിന് പാറക്കടവില്‍ നടക്കും. സമസ്ത സെക്രട്ടറി കൊയ്യോട് ഉമര്‍ മുസ്‌ലിയാര്‍, എസ്.വൈ.എസ് സംസ്ഥാന സെക്രട്ടറി പിണങ്ങോട് അബൂബക്കര്‍ സംബന്ധിക്കും.
തുടര്‍ന്നു മണ്ഡലത്തിലെ പത്തുപഞ്ചായത്തുകളില്‍ ക്യാംപുകള്‍, പൊതുയോഗങ്ങള്‍, സെമിനാറുകള്‍ നടക്കും. കാംപയിന്‍ ലോഗോ പ്രകാശനം എസ്.വൈ.എസ് ജില്ലാ ഉപാധ്യക്ഷന്‍ സയ്യിദ് ടി.പി.സി തങ്ങള്‍ നിര്‍വഹിച്ചു.
അലി വാണിമേലാണ് ലോഗോ രൂപകല്‍പന ചെയ്തത്. ചടങ്ങില്‍ സിദ്ദീഖ് വെള്ളിയോട് അധ്യക്ഷനായി. ഇ.എ റഹ്മാന്‍, എം.കെ മുനീര്‍, പി.പി അഷ്‌റഫ് മൗലവി, പി.കെ അബ്ദുറഹ്മാന്‍, ഹംസ പാറക്കടവ് സംബന്ധിച്ചു.