നാദാപുരം: മദ്യപാനികളുടെ ശല്യത്തില്‍ ബസ് യാത്രക്കാര്‍ പൊറുതിമുട്ടുന്നു. തലശ്ശേരി-നാദാപുരം റൂട്ടിലെ ബസുകളിലാണു രാത്രിയില്‍ മദ്യപരുടെ ശല്യം രൂക്ഷമാകുന്നത്.
കുറഞ്ഞ ചെലവില്‍ മദ്യം ലഭിക്കുന്ന മാഹിയിലെ പള്ളൂരിലേക്ക് ഉച്ച കഴിയുന്നതോടെ വിദൂര നാടുകളില്‍ നിന്ന് ആവശ്യക്കാരുടെ ഒഴുക്കാണ്. മദ്യം കഴിച്ച് പള്ളൂര്‍, ചൊക്ലി, പാറാല്‍ സ്റ്റോപ്പുകളില്‍ നിന്നു തിരിച്ചു നാട്ടിലേക്കു കയറുന്നവരാണു യാത്രക്കാര്‍ക്കു പ്രയാസം സൃഷ്ടിക്കുന്നത്.
യാത്രക്കാരുമായും ബസ് ജീവനക്കാരുമായും ഇവര്‍ തര്‍ക്കത്തിലായി ഒടുവില്‍ കൈയാങ്കളിയിലെത്തുന്ന സംഭവങ്ങള്‍ നിരവധിയാണ്. പ്രായഭേദമില്ലാത്ത മദ്യപാനികളുടെ പരാക്രമങ്ങള്‍ക്കു സ്ത്രീകളും വിദ്യാര്‍ഥികളുമാണു കൂടുതലായും ഇരയാകുന്നത്. ടിക്കറ്റെടുക്കാതെ ബസില്‍ പ്രശ്‌നമുïാക്കുന്നവരും പാതി ടിക്കറ്റെടുത്തു ദൂരസ്ഥലത്തേക്കു യാത്ര ചെയ്യുന്നവരും ഇക്കൂട്ടത്തിലുï്. മദ്യംതലക്കു പിടിച്ചു തുടങ്ങിയാല്‍ ഇവരുടെ വായില്‍നിന്നു വരുന്ന തെറിപ്പാട്ടുകളും അശ്ലീലപ്പാട്ടുകളും ചിലപ്പോള്‍ 'തീപ്പൊരി' രാഷ്ട്രീയ പ്രസംഗം വരെ യാത്രക്കാര്‍ സഹിക്കേïിവരുന്നു.
മിക്ക ദിവസവും ഈ റൂട്ടില്‍ ഇതു തന്നെയാണു സ്ഥിതിയെന്നു നാട്ടുകാര്‍ പറയുന്നു. നേരത്തെ നാട്ടുകാരായ മദ്യപരുടെ ശല്യം മാത്രമായിരുന്നു യാത്രക്കാര്‍ അനുഭവിച്ചിരുന്നത്. ഇപ്പോള്‍ മറ്റു നാട്ടുകാരുടെ പരാക്രമങ്ങള്‍ കൂടി സഹിക്കേï അവസ്ഥയാണ്.