തലശ്ശേരി: കൊടുവള്ളി വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിന്റെ നേതൃത്വത്തില്‍ വിദ്യാര്‍ഥികള്‍ സമരിറ്റന്‍ ഹോം അഗതി മന്ദിരത്തില്‍ തണല്‍ക്കൂട് എന്ന പേരില്‍ പരിപാടി സംഘടിപ്പിച്ചു. അശരണരും അഗതികളുമായ പ്രായം ചെന്നവര്‍ക്കൊപ്പം വിദ്യാര്‍ഥികള്‍ പാട്ടും നൃത്തവുമായി സ്‌നേഹം പങ്കിട്ടു. അന്തേവാസികളും വിദ്യാര്‍ഥികള്‍ക്കൊപ്പം ഗാനങ്ങള്‍ ആലപിച്ചു. കൊടുവള്ളി വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ അധ്യാപകന്‍ ടി.വി ഗഫൂര്‍ ആലപിച്ച മെക്‌സിക്കന്‍ ഗാനം അന്തേവാസികള്‍ ഏറ്റുപാടി. അന്തേവാസികള്‍ക്ക് വസ്ത്രങ്ങളും ഭക്ഷ്യ വസ്തുക്കളും നല്‍കിയാണ് വിദ്യാര്‍ഥികള്‍ യാത്രയായത്.എന്‍.എസ്.എസ് ദിനത്തിന്റെ ഭാഗമായി സംഘടിപ്പിച്ച ചടങ്ങ് നഗരസഭാംഗം പി.പി സാജിത ഉദ്ഘാടനം ചെയ്തു. സ്‌കൂള്‍ പി.ടി.എ പ്രസിഡന്റ് മുനവര്‍ അഹമ്മദ് അധ്യക്ഷനായി. സ്‌കൂള്‍ പ്രിന്‍സിപ്പള്‍ എ.പി സുധ, നിഷീദ് മാസ്റ്റര്‍, അനുഷ, സിസ്റ്റര്‍ ഡീന സംസാരിച്ചു.