കോഴിക്കോട്: എന്‍.ഡി.എ കേരളഘടകത്തിന്റെ കണ്‍വീനറായി ബി.ഡി.ജെ.എസ് നേതാവ് തുഷാര്‍ വെള്ളാപ്പള്ളി നിയമിതനാവും. കേരള എന്‍.ഡി.എ ഘടകകക്ഷി നേതാക്കളുടെ യോഗത്തിലാണ് തുഷാര്‍വെള്ളാപ്പള്ളിയെ കണ്‍വീനറാക്കാന്‍ തീരുമാനിക്കുന്നത്.

എന്‍.ഡി.എ കേരളഘടകം കണ്‍വീനര്‍ സ്ഥാനത്തിനായി നേരത്തെ ബി.ഡി.ജെ.എസ് അവകാശവാദമുന്നയിച്ചിരുന്നു. എന്നാല്‍, ഇതിനെ ബി.ജെ.പി എതിര്‍ത്തിരുന്നു. എന്‍.ഡി.എയിലെ പ്രമുഖ കക്ഷിയായ തങ്ങള്‍ക്ക് കണ്‍വീനര്‍ സ്ഥാനം വേണമെന്ന നിലപാടായിരുന്നു ബി.ജെ.പിക്ക്. ഇക്കാര്യത്തിലാണ് ഇപ്പോള്‍ തീരുമാനമായിരിക്കുന്നത്.

ബി.ജെ.പി ദേശീയ പ്രസിഡന്റ് അമിത് ഷാ എന്‍.ഡി.എ ഘടക കക്ഷികളുമായി നടത്തിയ കൂടിക്കാഴ്ചയിലാണ് തുഷാര്‍ വെള്ളാപ്പള്ളിയെ കണ്‍വീനറാക്കാനുള്ള ധാരണയിലെത്തിയത്. പി.സി.തോമസ്, സി.കെ.ജാനു, രാജന്‍ ബാബു എന്നിവരും ഉന്നതതല സമിതിയിലുണ്ട്.