തിരുവനന്തപുരം: സംസ്ഥാനത്തെ പതിനാല്  തദ്ദേശസ്വയം ഭരണ വാര്‍ഡുകളില്‍ അടുത്ത ഒക്‌ടോബര്‍ 21ന് ഉപതെരഞ്ഞെടുപ്പ് നടത്താന്‍ തെരഞ്ഞെടുപ്പു കമ്മീഷന്‍ വിജ്ഞാപനം പുറപ്പെടുവിച്ചു.


വിവിധ ജില്ലകളിലെ പഞ്ചായത്ത്   നിയോജകമണ്ഡലങ്ങളിലും, മുനിസിപ്പല്‍ കോര്‍പറേഷന്‍,മുനിസിപ്പാലിറ്റി വാര്‍ഡുകളിലുമാണ് ഉപതെരഞ്ഞെടുപ്പ് നടത്താന്‍ തീരുമാനിച്ചിട്ടുള്ളത്.


ഉപതെരഞ്ഞെടുപ്പുമായി ബന്ധപ്പെട്ട മാതൃകാ പെരുമാറ്റച്ചട്ടം ഈ മാസം 19ന്  പ്രാബല്യത്തില്‍ വന്നു. നാമനിര്‍ദ്ദേശ പത്രിക സമര്‍പ്പിക്കുന്നതിനുള്ള അവസാന തീയതി ഒക്‌ടോബര്‍ 3നും പത്രികകളുടെ സൂക്ഷ്മ പരിശോധന ഒക്‌ടോബര്‍ 4നും സ്ഥാനാര്‍ത്ഥിത്വം പിന്‍വലിക്കാനുളള അവസാന തീയതി ഒക്‌ടോബര്‍ ആറിനുമാണ്.

രാവിലെ 7 മണിക്ക് വോട്ടെടുപ്പ് ആരംഭിക്കുകയും വൈകിട്ട് 5 മണിക്ക് അവസാനിക്കുകയും ചെയ്യും. ഉപതെരഞ്ഞെടുപ്പിന്റെ  വോട്ടെണ്ണല്‍  ഒക്‌ടോബര്‍ 22നും നടക്കും.