പട്ടാമ്പി: ബഹുസ്വരത-സഹിഷ്ണുത-സമാധാനം എന്ന പ്രമേയത്തോടെ കെ.എന്‍.എം ജില്ലാ കമ്മിറ്റി രണ്ട് ദിവസങ്ങളിലായി നടത്തിയ മാനവമൈത്രി സന്ദേശയാത്ര പട്ടാമ്പിയില്‍ സമാപിച്ചു. മതസൗഹാര്‍ദ്ദവും പരസ്പര വിശ്വാസവും സ്‌നേഹവും ശക്തിപ്പെടുത്താന്‍ ലക്ഷ്യമാക്കിയായിരുന്നു യാത്രനടന്നതെന്ന് ഭാരവാഹികള്‍ അറിയിച്ചു.
എടത്തനാട്ടുകരയില്‍ നിന്നും ആരംഭിച്ച യാത്രയുടെ ഉദ്ഘാടനം അബ്ദുല്‍ അലി നിര്‍വഹിച്ചു. സമാപന പൊതുയോഗത്തില്‍ റിഹാസ് പുലാമന്തോള്‍ മുഖ്യപ്രഭാഷണം നടത്തി. എ.കെ ഈസ അബൂബക്കര്‍ മദനി അധ്യക്ഷനായി. ഡോ. പി അബ്ദു സലഫി, അലി മദനി പേങ്ങാട്ടിരി, എം മുസ്തഫ സലഫി, ജസീര്‍ അന്‍സാരി, മനാഫ് ഒറ്റപ്പാലം, റസാഖ് ആമയൂര്‍ പ്രസംഗിച്ചു.