കോയമ്പത്തൂര്‍: അരിയല്ലൂരിനടുത്ത ജയകൊണ്ടത്തില്‍ ഗുഡ്‌സ് ഓട്ടോറിക്ഷയും ലോറിയും കൂട്ടിയിടിച്ച് ഓട്ടോറിക്ഷയില്‍ സഞ്ചരിച്ച 15 പേര്‍ മരിച്ചു. 10 പേര്‍ക്കു ഗുരുതരമായ പരുക്കുണ്ട്.
ജയകൊണ്ടത്തിലെ കച്ചിപെരുമാള്‍ ബസ് സ്റ്റാന്‍ഡിലാണു സംഭവം. മരണവീട്ടിലെ ഏഴാം ദിവസത്തെ ചടങ്ങില്‍ പങ്കെടുക്കാന്‍ ഗുഡ്‌സ് ഓട്ടോയില്‍ പോകുകയായിരുന്ന ഗ്രാമീണരാണ് അപകടത്തില്‍പെട്ടത്.
ഗുരുതരമായി പരുക്കേറ്റ 10 പേരെ തഞ്ചാവൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
മരിച്ചവരുടെ കുടുംബത്തിന് ഒരു ലക്ഷം രൂപ വീതം തമിഴ്‌നാട് മുഖ്യമന്ത്രി ജയലളിത ധനസഹായം പ്രഖ്യാപിച്ചിട്ടുണ്ട്.