പെരുമ്പാവൂര്‍: കുറുപ്പംപടി മര്‍ച്ചന്റസ് അസോസിയേഷന്‍ സംഘടിപ്പിച്ച ഷോപ്പിങ് ഫെസ്റ്റിവലിന്റെ സമാപനസമ്മേളനവും ഓണാഘോഷ പരിപാടികളും കുടുംബസംഗമവും എല്‍ദോസ് കുന്നപ്പിള്ളി എം.എല്‍.എ ഉദ്ഘാടനം ചെയ്തു. യൂണിറ്റ് പ്രസിഡന്റ് ബേബി കാളിയാത്ത് അധ്യക്ഷത വഹിച്ചു.
കുറുപ്പംപടി മര്‍ച്ചന്റസ് അസ്സോസിയേഷന്‍ സംഘടിപ്പിച്ച ഷോപ്പിംഗ് ഫെസ്റ്റിവലില്‍ നറുക്കെടുപ്പും വിജയിള്‍ക്കുള്ള സമ്മാനദാനവും നടത്തി.
യോഗത്തില്‍ ബ്ലോക്ക് പഞ്ചായത്ത് പ്രസിഡന്റ് ബിന്ദു ഗോപാലകൃഷണന്‍, രായമംഗലം ഗ്രാമപഞ്ചായത്ത് പ്രസിഡന്റ് സൗമിനി ബാബു, കേരളാ വ്യാപാരി വ്യവസായി ഏകോപനസമിതി ജില്ലാ പ്രസിഡന്റ് പി.എ ഇബ്രാഹീം, ജനറല്‍ സെക്രട്ടറി പി.സി ജേക്കബ് എന്നിവര്‍ സംസാരിച്ചു.
ഷോപ്പിങ് ഫെസ്റ്റിവലില്‍ സമ്മാന വിതരണം ഒന്നാം സമ്മാനമായ ഹോണ്ടാ ആക്ടീവ സ്‌കൂട്ടര്‍ വിജയിയായ അമ്മിണിക്ക് താക്കോല്‍ നല്‍കി എല്‍ദോസ് കുന്നപിള്ളി എം.എല്‍.എ നിര്‍വഹിച്ചു.