അരൂര്‍: ഓള്‍ കേരളാ ഫോട്ടോഗ്രാഫേഴ്‌സ് അസോസിയേഷന്‍ അരൂര്‍ യൂണിറ്റിന്റെ ആഭിമുഖ്യത്തില്‍ കുടുബസംഗമവും യൂണിറ്റ് സമ്മേളനവും നടന്നു.
എരമല്ലൂര്‍ മിഥില ഹോട്ടല്‍ ഹാളില്‍ വച്ച് നടന്ന കുടുബസംഗമം എ.എം.ആരിഫ്.എം.എല്‍.എ ഉദ്ഘാടനം ചെയ്തു. യൂണിറ്റ് പ്രസിഡന്റ് രാജേഷ് നാരായണന്‍ അദ്ധ്യക്ഷനായാരുന്നു. ഇതിനോടനുബനധിച്ചു നടന്ന ഫോട്ടോഗ്രാഫി പ്രദര്‍ശനം സിനി ഫോട്ടോഗ്രാഫര്‍ വി.കെ.ഷേണായി ഉദ്ഘാടനം ചെയ്തു. അസോസിയേഷന്‍ സംസ്ഥാന സെക്രട്ടറി എന്‍.ഹരിലാല്‍ വി.കെ.ഷേണായിയെ ആദരിച്ചു. ഫോട്ടോഗ്രാഫര്‍മാരില്‍ 25 വര്‍ഷം പൂര്‍ത്തിയാക്കിയ ദമ്പതിമാരായ ആന്റണി കാട്ടുതറ, ബി.ഹരിദാസ്, കെ.ഹരിദാസ്, ഹരിഹരന്‍, പി.കെ.രമേശന്‍, ശാരീരിക ബുദ്ധിമുട്ട് അനുഭവിക്കുന്നവരും ഫോട്ടോഗ്രാഫി തൊഴിലായി സ്ഥീകരിച്ചിരിക്കുന്നവരുമായ പ്രബിത, ശശിധരന്‍ എന്നിവരെ ചടങ്ങില്‍ ആദരിച്ചു. ജില്ലാ പ്രസിഡന്റ് സി.സി.ബാബു, മേഖലാ പ്രസിഡന്റ് ബെയ്‌ലി ജോര്‍ജ്ജ്, മേഖലാ സെക്രട്ടറി കെ.പി. സുധീഷ്, ബിജു ജോര്‍ജ്ജ്, പി.ആര്‍.കൃഷ്ണകുമാര്‍, ജോയ് കണ്ടംകുളം സംസാരിച്ചു.