ചുള്ളിമാനൂര്‍: ആനാട് പഞ്ചായത്തിലെ മുസ്‌ലിംലീഗ് മെമ്പര്‍ഷിപ്പ് കാംപയിന് തുടക്കമായി. ഒക്ടോബര്‍ ഒന്നുമുതല്‍ മെമ്പര്‍ഷിപ്പ് വിതരണം ആരംഭിക്കും. പഞ്ചായത്ത് കൗണ്‍സിലര്‍മാരുടെ യോഗത്തില്‍ റിട്ടേണിങ് ഓഫീസര്‍ മുതിയാംകുഴി റഷീദില്‍ നിന്നും വഞ്ചുവം ഷറഫ് മെമ്പര്‍ഷിപ്പ് സ്വീകരിച്ചു. മണ്ഡലം പ്രസിഡന്റ് പെരിങ്ങമ്മല സലീം ഉദ്ഘാടനം ചെയ്തു. പനവൂര്‍ അസ്‌നാരാശാന്‍, നിസാര്‍ മുഹമ്മദ് സുല്‍ഫി, ചുള്ളിമാനൂര്‍ അഹ്മദ് റഷാദി, അയണിമൂട് റഫീഖ്, മെമ്പര്‍ ഷീബ, കല്ലിയോട് ഫസില്‍ എന്നിവര്‍ സംസാരിച്ചു.