കല്ലമ്പലം: മണമ്പൂര്‍ ഈസ്റ്റ് ക്ഷീരോല്‍പ്പാദക സംഘം, വലിയവിള സംസ്‌കൃതി കലാസംഘം, വലിയവിള എന്‍.എസ്.എസ് വനിതാസഹകരണ സംഘം എന്നിവയുടെ സംയുക്താഭിമുഖ്യത്തില്‍ സൗജന്യ ഹോമിയോ മെഡിക്കല്‍ ക്യാംപ് സംഘടിപ്പിച്ചു. മണമ്പൂര്‍ പഞ്ചായത്ത് സാംസ്‌കാരിക നിലയത്തില്‍ നടന്ന ക്യാംപ് മണമ്പൂര്‍ പഞ്ചായത്ത് പ്രസിഡന്റ് അമ്പിളി പ്രകാശ് ഉദ്ഘാടനം ചെയ്തു.
ക്ഷീരസംഘം പ്രസിഡന്റ് കെ. വിജയന്‍ അധ്യക്ഷനായി. ബ്ലോക്ക് പഞ്ചായത്ത് അംഗം പി.ജെ നഹാസ്, മണമ്പൂര്‍ പഞ്ചായത്ത് വൈസ്പ്രസിഡന്റ് എസ്. സുരേഷ്‌കുമാര്‍, ആര്‍.എസ് രഞ്ജിനി, മാവിള വിജയന്‍, എ. നഹാസ്, പ്രശോഭനാ വിക്രമന്‍, എം.എ മനാഫ്, ജി. സത്യശീലന്‍, നാലേക്കാട്ടില്‍ ഗോപാലപിള്ള, ഡോ. ധന്യ, ഡോ. സുലോചനാദേവി എന്നിവര്‍ സംസാരിച്ചു. ക്യാംപില്‍ പങ്കെടുത്തവര്‍ക്കെല്ലം ഹെല്‍ത്ത് കാര്‍ഡും സൗജന്യ മരുന്നും നല്‍കി.