ബോവിക്കാനം: ഇരിയണ്ണില്‍ ശ്രീ നാരായണ ഗുരുമന്ദിരത്തിനു നേരെ അക്രമം. എസ്.എന്‍.ഡി.പി ഇരിയണ്ണി ശാഖയുടെ കീഴിലുള്ള ഗുരുമന്ദിരത്തിനു നേരെയാണു കഴിഞ്ഞ ദിവസം അക്രമം നടന്നത്. മന്ദിരത്തിന്റെ ചുമരില്‍ കരിക്കട്ട കൊണ്ട് അസഭ്യങ്ങളും പ്രകോപിപ്പിക്കുന്ന വാക്കുകളും എഴുതി വൃത്തികേടാക്കുകയും ചെയ്തു. വരാന്തയില്‍ ഒഴിഞ്ഞ മദ്യ കുപ്പികള്‍ വലിച്ചെറിഞ്ഞ നിലയിലാണ്. കൊടിമരവും നശിപ്പിച്ചു.
ഏതാനും ദിവസം മുമ്പും മന്ദിരത്തിനു നേരെ സമാനമായ രീതിയില്‍ അക്രമം നടന്നിരുന്നു. ശാഖാ ഭാരവാഹികള്‍ ആദൂര്‍ പൊലിസില്‍ പരാതി നല്‍കി.