തിരൂര്‍: ഭാര്യ ആത്മഹത്യ ചെയ്ത സംഭവത്തില്‍ പ്രേരണാക്കുറ്റത്തിന് അറസ്റ്റിലായ ഭര്‍ത്താവിനെ കോടതി റിമാന്‍ഡ് ചെയ്തു. പുറത്തൂര്‍ കുറുമ്പടി സ്വദേശി കക്കടിപറമ്പില്‍ ശിഹാബി (34) നെയാണ് റിമാന്‍ഡ് ചെയ്തത്. കഴിഞ്ഞ 18നാണ് ശിഹാബിന്റെ ഭാര്യ നസീദയെ വീട്ടിനകത്തു മരിച്ച നിലയില്‍ കണ്ടെത്തിയത്. നാലുമാസം മുന്‍പാണ് കുടുംബവീട്ടില്‍നിന്ന് ഇവര്‍ പുതിയ വീട്ടിലേക്കു മാറിയിരുന്നത്. ഒരാണ്‍കുട്ടിയുണ്ട്. എട്ടു വര്‍ഷം മുന്‍പായിരുന്നു വിവാഹം.