പാങ്ങ്: സമസ്ത പ്രസിഡന്റായിരുന്ന പാങ്ങില്‍ അഹമ്മദ്കുട്ടി മുസ്‌ലിയാരുടെ ഉറൂസ് സമാപിച്ചു. മഖ്ബറ സിയാറത്തിന് ചാപ്പനങ്ങാടി വി. കുഞ്ഞുട്ടി മുസ്‌ലിയാര്‍ നേതൃത്വം നല്‍കി. എ.പി അബ്ദുറഹിമാന്‍ മുസ്‌ലിയാര്‍ അല്‍ ഖാസിമി പതാക ഉയര്‍ത്തി. മൗലിദ് പാരായണത്തിന് അലി സഖാഫി ചുങ്കത്തറയും മജ്‌ലിസുന്നൂര്‍ സദസിന് അബ്ദുല്‍ അസീസ് ഫൈസി അരിപ്രയും നേതൃത്വം നല്‍കി. അത്തിപ്പറ്റ മൊയ്തീന്‍കുട്ടി മുസ്‌ലിയാര്‍ പ്രാര്‍ഥനയ്ക്കു നേതൃത്വം നല്‍കി.
അനുസ്മരണ സമ്മേളനം സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. സയ്യിദ് വി.ടി.എസ് നൂറുദ്ദീന്‍ തങ്ങള്‍ അധ്യക്ഷനായി. അബ്ദുസമദ് പൂക്കോട്ടുര്‍ അനുസ്മരണ പ്രഭാഷണം നടത്തി. പി.കെ രായിന്‍ ഹാജി ഉപഹാരം കൈമാറി.
പ്രാര്‍ഥനാ സമ്മേളനത്തിനു പാണക്കാട് സയ്യിദ് സാബിഖലി ശിഹാബ് തങ്ങള്‍ നേതൃത്വം നല്‍കി. സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, കാളാവ് സൈതലവി മുസ്‌ലിയാര്‍, അബ്ദുസമദ് ഫൈസി താനൂര്‍, ബാപ്പുട്ടി ഹാജി താനൂര്‍, എ.പി അബ്ദുല്‍ അസീസ് ദാരിമി, എം.ടി.എ നാസര്‍ ഫൈസി, കെ. അലി റഹ്മാനി സംബന്ധിച്ചു. കെ.പി ഇസ്മാഈല്‍ ഫൈസി സ്വാഗതവും എ.പി മുഹമ്മദ് ദാരിമി നന്ദിയും പറഞ്ഞു.