പട്ടിക്കാട്: മുള്ള്യാകുര്‍ശിയില്‍ ലഹരി വിരുദ്ധമുന്നണിയുടെ നേതൃത്വത്തില്‍ ലഹരി വിരുദ്ധ ക്യാംപയിന്‍  സംഘടിപ്പിച്ചു. പരിപാടിയുടെ ഭാഗമായി ജനകീയ കണ്‍വെന്‍ഷനും ബൈക്ക് റാലിയും നടത്തി.  മേലാറ്റൂര്‍ എ.എസ്.ഐ കെ.പി.എ റഹ്മാന്‍ ഉദ്ഘാടനം ചെയ്തു. പഞ്ചായത്തംഗം കെ.ഉസ്മാന്‍  അധ്യക്ഷനായി. മലപ്പുറം സിവില്‍ എക്‌സൈസ് ഓഫീസര്‍ പി.ബിജു വിഷയാവതരണം നടത്തി. ലഹരി  വിരുദ്ധമുന്നണി കണ്‍വീനര്‍ പി. കുഞ്ഞിമുഹമ്മദ്, ഫിറോസ് ഖാന്‍, പി.സുബൈര്‍, പുളിക്കല്‍ റഷീദ്,  പി.അസൈനാര്‍ സംസാരിച്ചു.