വേങ്ങാട്: കഴിഞ്ഞ ദിവസം വേങ്ങാട് നടന്ന പരിപാടിയുടെ നോട്ടിസിലോ ഫ്‌ളക്‌സിലോ പേരു നല്‍കാതെ പാണക്കാട് ബഷീറലി ശിഹാബ് തങ്ങളെ വേങ്ങാട് ഉറൂസെന്ന് തെറ്റിദ്ധരിപ്പിച്ച് പങ്കെടുപ്പിക്കുകയും തുടര്‍ന്ന് അതിന്റെ ഫോട്ടോ പത്ര മാധ്യമത്തിലൂടെയും നവ മാധ്യമങ്ങളിലൂടെയും പ്രചരിപ്പിക്കുകയും ചെയ്ത നടപടിയില്‍ വേങ്ങാട് ജുമാ മസ്ജിദില്‍ ചേര്‍ന്ന എസ്.വൈ.എസ്,  എസ്.കെ.എസ്.എസ്.എഫ് സംയുക്ത യോഗം പ്രതിഷേധിച്ചു. സത്യാവസ്ഥ പൊതുജനത്തെ ബോധ്യപ്പെടുത്താന്‍ ബഷീറലി തങ്ങളെ പങ്കെടുപ്പിച്ച് പൊതുപരിപാടി നടത്താനും ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ നടപടി സ്വീകരിക്കാന്‍ സമസ്ത മുശാവറയെ സമീപിക്കാനും യോഗം തീരുമാനിച്ചു. കെ അബ്ദുള്‍ അസീസ് ഹാജി അധ്യക്ഷനായി.
വി.കെ അബൂബക്കര്‍, സി.     പി സലീം, പൊയില്‍ ഹുസൈന്‍, സി.പി സലീത്ത്, ഹുസൈന്‍ വേങ്ങാട്, ടി ഇബ്രാഹീം, പി.പി മമ്മൂട്ടി, എന്‍.സി അന്‍വര്‍, പി.വി നൗഫല്‍  പ്രസംഗിച്ചു.