നിലമ്പൂര്‍: നിലമ്പൂരില്‍ മാവോയിസ്റ്റുകളും പൊലിസും തമ്മില്‍ വെടിവയ്പ്പ്. നെടുങ്കയം മുണ്ടക്കടവ് കോളനിയില്‍ ഇന്നലെ രാത്രിയാണ് സംഭവം. വെടിവയ്പ്പില്‍ ആര്‍ക്കും പരുക്കില്ല.

നെടുങ്കയത്ത് അഞ്ച് കി.മീറ്ററോളം ഉള്‍വനത്തിലാണ് മുണ്ടക്കടവ് കോളനി. ഇവിടെ വൈകീട്ട് ആറരയോടെ എത്തിയ മാവോവാദി സംഘം ക്ലാസെടുക്കുമെന്ന് പൊലിസ് അറിഞ്ഞിരുന്നു. ഇവരെ പിടിക്കാനായി കോളനിയില്‍ പൊലിസ് എത്തിയപ്പോഴാണ് വെടിവയ്പ്പ് ഉണ്ടായത്. നിലമ്പൂര്‍ സി.ഐ ദേവസ്യയുടെ നേതൃത്വത്തില്‍ തണ്ടര്‍ബോള്‍ട്ട് സംഘം എട്ടോടെ സ്ഥലത്തെത്തിയത്.

ആറുപേരാണ് മാവോയിസ്റ്റ് സംഘത്തിലുണ്ടായതെന്ന് ഡി.വൈ.എസ്.പി പറഞ്ഞു. പൊലിസിന്റെയും തണ്ടര്‍ബോള്‍ട്ടിന്റെയും നേതൃത്വത്തില്‍ വനത്തിനുള്ളില്‍ പരിശോധന തുടരുകയാണ്.