പാട്യാല:100വയസുകാരിയെ ബലാത്സംഗം ചെയ്തു കൊലപ്പെടുത്തിയെന്ന് പരാതി. പഞ്ചാബിലെ പാട്യാലയിലാണ് സംഭവം. ദൗബ് കലാന്‍ ഗ്രാമത്തിലെ വയലിലാണ് വൃദ്ധ ക്രൂരമായി കൊലചെയ്യപ്പെട്ടത്.
ചൊവ്വാഴ്ചയാണ് രാവിലെ വീടിനു സമീപമുള്ള വയലില്‍ രക്തത്തില്‍ കുളിച്ചു കിടന്ന മൃതദേഹം കണ്ടെത്തിയത്. തലയ്ക്ക് ഗുരുതരമായി പരുക്കേറ്റ നിലയില്‍ കണ്ട  മൃതദേഹം അര്‍ധനഗ്നമായിരുന്നു. ബാലാത്സംഗം ചെയ്താണ് കൊലപ്പെടുത്തിയതെന്ന് ബന്ധുക്കള്‍ ആരോപിച്ചു.
തിങ്കളാഴ്ച രാത്രി സാധാരണപോലെ വൃദ്ധ വീടിനു പുറത്താണ് കിടന്നുറങ്ങിയതെന്ന് പേരമകന്‍ പറഞ്ഞു. പിറ്റേന്നു രാവിലെ രക്തത്തില്‍ കുളിച്ച് കൊല്ലപ്പെട്ട നിലയില്‍ കാണുകയായിരുന്നു. കൊലപാതകത്തിനാണ് കേസെടുത്തിട്ടുള്ളതെന്നും പോസ്റ്റുമോര്‍ട്ടം റിപ്പോര്‍ട്ടിനു ശേഷം ബലാല്‍സംഗക്കേസ് കൂടി ചേര്‍ക്കുമെന്നും പൊലിസ് പറഞ്ഞു. ലഹരിക്കടിമകളായ സാമൂഹികവിരുദ്ധരായിരിക്കാം കൊലയ്ക്ക് പിന്നിലെന്നാണ് പൊലിസ് നിഗമനം.