മലപ്പുറം: മലപ്പുറത്തു മുനിസിപ്പല്‍ ബസ് സ്റ്റാന്റിലേക്കു പ്രവേശിക്കുകയായിരുന്ന മിനി ബസ് നിയന്ത്രണം വിട്ടു സമീപത്തെ ചായക്കടയിലേക്കു പാഞ്ഞുകയറി. ഇന്നലെ ഉച്ചയ്ക്കാണു മലപ്പുറം കൊണ്ടോട്ടി റൂട്ടില്‍ സര്‍വിസ് നടത്തുന്ന മിനിബസ് പ്രവേശന കവാടത്തിനു സമീപം നിയന്ത്രണം വിട്ടത്. കടയുടെ ചുമരില്‍ ഇടിച്ചുനിന്ന ബസിന്റെ മുന്‍വശം പൂര്‍ണമായും തകര്‍ന്നു. ആര്‍ക്കും പരുക്കില്ല. കടയുടെ ചുമരും തകര്‍ന്നുവീണിട്ടുണ്ട്. ചെറിയ തോതില്‍ ഗതാഗതം തടസപ്പെട്ടു.