കോട്ടക്കല്‍: പത്ത് കിലോഗ്രാം കുരുമുളക് മോഷ്ടിച്ച കേസില്‍ പ്രതി പിടിയില്‍. തൃശൂര്‍ സ്വദേശി നെടുപുഴ കരീപറമ്പില്‍വീട്ടില്‍ കലേഷ് (44) നെയാണ് കോട്ടക്കല്‍ എസ്.ഐ ആര്‍ വിനോദും സംഘവും അറസ്റ്റ് ചെയ്തത്.
കഴിഞ്ഞ ജനുവരിയിലാണ് കോട്ടക്കല്‍ മാര്‍ക്കറ്റില്‍നിന്ന് ഇയാള്‍ കുരുമുളക് മോഷ്ടിച്ചത്.
എന്നാല്‍ പ്രതിയെ പിടികൂടാനായിരുന്നില്ല. കഴിഞ്ഞദിവസം വീണ്ടും മോഷണം നടത്തുന്നതിനിടെ സമീപത്തെ കടയുടമകള്‍ പിടികൂടി പൊലിസിലേല്‍പ്പിക്കുകയായിരുന്നു. പ്രതിയെ കോടതി റിമാന്‍ഡ് ചെയ്തു.