മലപ്പുറം:ദേശീയോദ്ഗ്രഥനത്തിന് ജനശാക്തീകരണം എന്ന പ്രമേയത്തില്‍ എം എസ് എഫ് ജില്ലാ കമ്മിറ്റി നടത്തുന്ന സി എച്ച് മുഹമ്മദ് കോയ ദേശീയ സെമിനാര്‍ ഇന്നു രാവിലെ മലപ്പുറം ലോസ് ലോഞ്ച് ഓഡിറ്റോറിയത്തില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. മുന്‍ കേന്ദ്രമന്ത്രി മണിശങ്കര്‍ അയ്യര്‍ മുഖ്യാതിഥിയാവും. ഡി. ബാബുപോള്‍ മുഖ്യപ്രഭാഷണം നടത്തും. പാണക്കാട് സയ്യിദ് മുനവറലി ശിഹാബ് തങ്ങള്‍, എം.പിമാരായ ഇ.അഹമ്മദ്, ഇ. ടി മുഹമ്മദ് ബഷീര്‍, പി. വി അബ്ദുല്‍ വഹാബ്, മുസ്‌ലിം ലീഗ് ദേശീയ ട്രഷറര്‍ പി.കെ കുഞ്ഞാലിക്കുട്ടി, സംസ്ഥാന ജനറല്‍ സെക്രട്ടറി കെ.പി.എ മജീദ്, എം.എസ്.എഫ് സംസ്ഥാന പ്രസിഡന്റ് മിസ്അബ് കീഴരിയൂര്‍ പങ്കെടുക്കും. ഉച്ചയ്ക്കു രണ്ടിന് ' സ്ത്രീ, ദളിത്, ന്യൂനപക്ഷം ഇന്ത്യ' വിഷയത്തില്‍ സെമിനാര്‍ എം.പി അബ്ദുസമദ് സമദാനി ഉദ്ഘാടനം ചെയ്യും. കെ.എന്‍.എ ഖാദര്‍ അധ്യക്ഷനാകും. ഡോ. എം.കെ മുനീര്‍ എം.എല്‍.എ, ബിനോയ് വിശ്വം, സി.പി ജോണ്‍, പി.എം സാദിഖലി, ഡോ. പി.ഗീത, എ.പി.ഉണ്ണികൃഷ്ണന്‍, നൗഷാദ് മണ്ണിശ്ശേരി, ഉസ്മാന്‍ താമരത്ത്, എം.പി.നവാസ്, യൂസുഫ് വല്ലാഞ്ചിറ പങ്കെടുക്കും.