തിരുവനന്തപുരം: തിരുവനന്തപുരത്ത് യു.ഡി.എഫ് ആഹ്വാനം ചെയ്ത ഹര്‍ത്താല്‍ ആരംഭിച്ചു. സ്വാശ്രയ മെഡിക്കല്‍ കോളജുകളിലെ ഫീസ് വര്‍ധനക്കെതിരെ സെക്രട്ടേറിയറ്റ് മാര്‍ച്ച് നടത്തിയ യൂത്ത് കോണ്‍ഗ്രസ് പ്രവര്‍ത്തകരെ പൊലിസ് മര്‍ദിച്ചതില്‍ പ്രതിഷേധിച്ചാണ് ഹര്‍ത്താല്‍. രാവിലെ ആറ് മുതല്‍ വൈകീട്ട് ആര് വരെയാണ് ഹര്‍ത്താല്‍.

കാട്ടാക്കട കിള്ളിയില്‍ സര്‍വീസ് നടത്തിയ കെ.എസ്.ആര്‍.ടി.സി ബസ്സിനു നേരെ കല്ലേറുണ്ടായി. നെയ്യാറ്റിന്‍ കരയില്‍ കെ.എസ്.ആര്‍.ടി.സി ബസ്സ് തടഞ്ഞു.

അതേസമയം ഇന്ന് നടത്താനിരുന്ന ഹയര്‍ സെക്കന്‍ഡറി/ വൊക്കേഷണല്‍ ഹയര്‍ സെക്കന്‍ഡറി ഒന്നാം വര്‍ഷ ഇംപ്രൂവ്‌മെന്റ് /സപ്ലിമെന്ററി പരീക്ഷ മാറ്റിവച്ചിട്ടുണ്ട്.