തിരുവനന്തപുരം: സ്വാശ്രയ പ്രശ്‌നത്തില്‍ പ്രതിപക്ഷ ബഹളത്തെ തുടര്‍ന്ന നിയമസഭ ഇന്നത്തേക്ക് പിരിഞ്ഞു. രാവിലെ സഭ ആരംഭിച്ചയുടൻ തന്നെ പ്ളക്കാർഡുകളും ബാനറുകളുമായി പ്രതിപക്ഷ എം.എൽമാർ ബഹളം തുടങ്ങിയിരുന്നു. പിന്നീട് പ്രതിപക്ഷം നടുത്തളത്തില്‍ ഇരുന്നു പ്രതിഷേധിച്ചു. എന്നാല്‍ ഇത് കണക്കിലെടുക്കാതെ ചോദ്യോത്തര വേള തുടര്‍ന്നെങ്കിലും പ്രതിഷേധം കനത്തതോടെയാണ് സഭ പിരിഞ്ഞത്. തുടർന്ന് പ്രകടനമായി പ്രതിപക്ഷ അംഗങ്ങൾ സഭാകവാടത്തിലേക്ക് നീങ്ങി.