കോഴിക്കോട്: പാറോപ്പടി സില്‍വര്‍ ഹില്‍സ് ഹയര്‍സെക്കന്‍ഡറി സ്‌കൂളില്‍ പത്താമത് സില്‍വര്‍ ഹില്‍സ് ട്രോഫിക്കു വേണ്ടിയുള്ള അഖില കേരള ഇന്റര്‍സ്‌കൂള്‍ ബാസ്‌കറ്റ് ബോള്‍ ടൂര്‍ണമെന്റ് നാളെ 11.30ന് ആരംഭിക്കും. സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ ഉദ്ഘാടനം ചെയ്യും. മത്സരത്തില്‍ 30 ടീമുകള്‍ പങ്കെടുക്കും.
ഉദ്ഘാടന മത്സരത്തില്‍ ആണ്‍കുട്ടികളുടെ വിഭാഗത്തില്‍ സില്‍വര്‍ ഹില്‍സ് എച്ച്.എസ്.എസ് കോഴിക്കോട് ഇന്‍ഫന്റ് ജീസസ് മാവേലിക്കരയെയും, പെണ്‍കുട്ടികളുടെ വിഭാഗത്തില്‍ സെന്റ് മൈക്കിള്‍സ് എച്ച്.എസ്.എസ് കോഴിക്കോട് സെന്റ് ജോസഫ് ആലപ്പുഴയെയും നേരിടും. ക്വാര്‍ട്ടര്‍ ഫൈനല്‍ മത്സരങ്ങള്‍ ഒക്ടോബര്‍ ഒന്നിനും ഫൈനല്‍ മത്സരങ്ങള്‍ രണ്ടിനും നടക്കും. വാര്‍ത്താസമ്മേളനത്തില്‍ ഡോ. ഫാ. ബിജു ജോണ്‍ വെള്ളക്കട, ജോസ് സെബാസ്റ്റ്യന്‍, പി.എ തങ്കച്ചന്‍, അനീഷ്, അജിത്ത് പങ്കെടുത്തു.