മേപ്പയ്യൂര്‍: വി.ഇ.എം യു.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. എസ്.വൈ.എസ് പേരാമ്പ്ര മണ്ഡലം ട്രഷററും മേപ്പയ്യൂര്‍ എളമ്പിലാട് മഹല്ല് ഖാസിയുമായ കെ. നിസാര്‍ റഹ്മാനി വിദ്യാര്‍ഥി പ്രതിനിധിക്ക് പത്രം കൈമാറി ഉദ്ഘാടം ചെയ്തു. പ്രധാനാധ്യാപകന്‍ ഇ.കെ മുഹമ്മദ് ബഷീര്‍ അധ്യക്ഷനായി.
സുപ്രഭാതം മേപ്പയ്യൂര്‍ ലേഖകന്‍ മുജീബ് കോമത്ത് പദ്ധതി വിശദീകരിച്ചു. മേപ്പയ്യൂര്‍ ഏജന്റ് ഇര്‍ഷാദ് ദാരിമി, പ്രദീപ് മുദ്ര, കെ. നാസിബ്, എം.കെ ദിനേശ് കുമാര്‍, എന്‍. ഫായിസ് സംസാരിച്ചു. സ്‌കൂളിലെ പൂര്‍വവിദ്യാര്‍ഥിയും പ്രവാസിയുമായ കെ.വി ഫൈസലാണ് പത്രം സ്‌പോണ്‍സര്‍ ചെയ്തത്.