കോഴിക്കോട്: വിവിധ ഉല്‍പന്നങ്ങളുമായി ബിസിനസ് ക്രിയേറ്റിവ് കണ്‍സപ്റ്റ്‌സ് ഇന്റര്‍നാഷനലിന്റെ (ബി.സി.സി.ഐ) കോര്‍പറേറ്റ് ഓഫിസും ഡിസ്‌പ്ലെ ഹൗസും ഇന്ന് കോട്ടൂളിയില്‍ പ്രവര്‍ത്തനമാരംഭിക്കും. രാവിലെ 11ന് മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും.
വിവിധ രാജ്യങ്ങളിലെ കളിമണ്‍, സെറാമിക് മേച്ചിലോടുകള്‍ റൂഫ് ടിപ്‌സ് എന്ന പേരില്‍ വിപണിയിലിറക്കുമെന്ന് ബി.സി.സി.സി മാനേജ്‌മെന്റ് വാര്‍ത്താസമ്മേളനത്തില്‍ അറിയിച്ചു. സി.സി ടി.വി കാമറകള്‍, കാര്‍വിങ്‌സ് എന്ന പേരില്‍ ഇന്റീരിയര്‍-എക്സ്റ്റീരിയര്‍ ഉല്‍പന്നങ്ങള്‍ എന്നിവയും വിപണിയിലെത്തിക്കുമെന്നും സ്ഥാപന ഉടമകള്‍ പറഞ്ഞു. മലബാര്‍ പാലസില്‍ നടന്ന ചടങ്ങില്‍ ബി.സി.സി.ഐ വെബ്‌സൈറ്റ് പ്രകാശനം കാലിക്കറ്റ് പ്രസ്‌ക്ലബ് പ്രസിഡന്റ് കമാല്‍ വരദൂര്‍ നിര്‍വഹിച്ചു. വാര്‍ത്താസമ്മേളനത്തില്‍ ബി.സി.സി.ഐ മാനേജിങ് ഡയരക്ടര്‍ സി.പി ബഷീര്‍, ഡയരക്ടര്‍മാരായ സുരേഷ് പത്മനാഭന്‍, സക്കറിയ സാദിക്, എം.കെ.കെ അബ്ദുല്ല, എം. അബ്ദുല്‍ ജബ്ബാര്‍, പി.പി അബ്ദുര്‍റഹ്മാന്‍ സംബന്ധിച്ചു.