കുന്ദമംഗലം: ഗ്രാമപഞ്ചായത്തിലെ രണ്ടാം വാര്‍ഡില്‍ എട്ടുലക്ഷം രൂപ ചെലവില്‍ കോണ്‍ക്രീറ്റ് പ്രവൃത്തി പൂര്‍ത്തിയാക്കിയ കളരിക്കണ്ടി ശ്മശാനം റോഡ് ഗ്രാമപഞ്ചായത്ത് പ്രസിഡന്റ് ടി.കെ സീനത്ത് ഉദ്ഘാടനം ചെയ്തു. വാര്‍ഡ് അംഗം ടി.കെ ഹിതേഷ് കുമാര്‍ അധ്യക്ഷനായി. ഗ്രാമപഞ്ചായത്ത് വൈസ് പ്രസിഡന്റ് വിനോദ് പടനിലം, ഗ്രാമ പഞ്ചായത്ത് വികസനകാര്യ സ്ഥിരംസമിതി അധ്യക്ഷ ലീനാ വാസുദേവ്, ആരോഗ്യകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സന്‍ ഷമീന വെള്ളക്കാട്ടില്‍, ഗ്രാമപഞ്ചായത്തംഗം ആസിഫ റഷീദ്, വി.കെ ഗിരീഷ് കുമാര്‍, കെ. ശ്രീധരന്‍, ഷാജി പുല്‍ക്കുന്നുമ്മല്‍, പി. കേളുക്കുട്ടി നായര്‍ സംസാരിച്ചു. കണ്‍വീനര്‍ എന്‍. ബാലന്‍ സ്വാഗതവും ഷിയോ ലാല്‍ നന്ദിയും പറഞ്ഞു.