കുറ്റ്യാടി: സമസ്തയുടെ പ്രവര്‍ത്തനങ്ങളെ സമൂഹത്തിന്റെ താഴെത്തട്ടിലേക്ക് എത്തിക്കുന്നതില്‍ പ്രധാന പങ്കുവഹിക്കുന്നത് മദ്‌റസാ മുഅല്ലിംകളാണെന്നും അവര്‍ എല്ലാം മേഖലകളിലും മാതൃകാ ജീവിതം നയിക്കണമെന്നും സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റി കുറ്റ്യാടി അടുക്കത്ത് മിസ്ബാഹുല്‍ ഹുദാ വാഫി കോളജ് കാംപസില്‍ സംഘടിപ്പിച്ച 'തഖ്‌വിയ്യ-16' ജില്ലാ സ്വദര്‍ മുഅല്ലിം സംഗമം ഉദ്ഘാടനം ചെയ്യുകയായിരുന്നു അദ്ദേഹം.
മദ്‌റസകളിലെ പ്രധാനാധ്യാപകര്‍ പങ്കെടുത്ത സംഗമത്തില്‍ സ്വാഗതസംഘം ചെയര്‍മാന്‍ ടി.വി.സി അബ്ദുസ്സമദ് ഫൈസി പതാക ഉയര്‍ത്തി. എസ്.എം.എഫ് ജില്ലാ പ്രസിഡന്റ് സി.എസ്.കെ തങ്ങള്‍ കുറ്റ്യാടി പ്രാര്‍ഥന നിര്‍വഹിച്ചു. കെ.കെ ഇബ്‌റാഹിം മുസ്‌ലിയാര്‍ അധ്യക്ഷനായി. പിണങ്ങോട് അബൂബക്കര്‍, ആസിഫ് ദാരിമി പുളിക്കല്‍ വിവിധ വിഷയങ്ങള്‍ അവതരിപ്പിച്ചു. ഹാജി കെ.എ പൊറോറ, പി.കെ സൂപ്പി ഹാജി മര്‍വ, കെ.വി മൊയ്തു മാസ്റ്റര്‍, യു.കെ അബ്ദുല്‍ ഹമീദ് ഹാജി, കെ.വി കുഞ്ഞാലി മുസ്‌ലിയാര്‍, ഇസ്മാഈല്‍ ദാരിമി വെള്ളമുണ്ട, പി. അഹമ്മദ് മാസ്റ്റര്‍, പി. മൊയ്തു ബാഖവി, ത്വല്‍ഹത്ത് ദാരിമി, ശൈജല്‍ അഹ്മദ്, കെ.എം അലി മുസ്‌ലിയാര്‍, ടി.പി അബ്ദുറഹ്മാന്‍, ഡോ. സമീര്‍ അഹ്മദ്, അന്‍വര്‍ മാസ്റ്റര്‍, ഒ.പി.എം അഷ്‌റഫ് സംസാരിച്ചു.
സൈനുല്‍ ആബിദീന്‍ തങ്ങള്‍, സി. അബ്ദുല്‍ ഹമീദ് ദാരിമി, മുസ്തഫ ദാരിമി അടിവാരം, ഫൈസല്‍ ഫൈസി മടവൂര്‍, മുസ്തഫ അല്‍ ഹസനി, പി. ബാവ ഹാജി പുവ്വാട്ടുപറമ്പ്, പി.കെ അബ്ദുല്ല ബാഖവി, കെ. കുഞ്ഞായിന്‍ മുസ്‌ലിയാര്‍ പ്രസീഡിയം നിയന്ത്രിച്ചു. ജില്ലാ ജനറല്‍ സെക്രട്ടറി സലാം ഫൈസി മുക്കം സ്വാഗതവും സെക്രട്ടറി പി. ഹസൈനാര്‍ ഫൈസി നന്ദിയും പറഞ്ഞു.