നാദാപുരം: ലീഗ് പ്രവര്‍ത്തകനു വെട്ടേറ്റു. ഇന്നലെ വൈകിട്ടു നടന്ന സി.പി.എം-ലീഗ് സംഘര്‍ഷത്തിന്റെ തുടര്‍ച്ചയായാണു സംഭവം. നാദാപുരം പഞ്ചായത്ത് മെമ്പര്‍ നജ്മബിയുടെ മകന്‍ നിഹാലിനാണു വെട്ടേറ്റത്. വൈകിട്ട് ആറിന് കല്ലാച്ചി വാണിയൂര്‍ റോഡില്‍ സര്‍വിസ് സ്റ്റേഷനു സമീപത്തു വച്ചായിരുന്നു ആക്രമണം. നിഹാലിനെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു.
അസ്‌ലം വധക്കേസിലെ പ്രതികളെ ഉടന്‍ പിടികൂടണമെന്ന് ആവശ്യപ്പെട്ട് യൂത്ത് ലീഗ് പ്രവര്‍ത്തകര്‍ ഇന്നലെ വൈകിട്ട് കല്ലാച്ചിയില്‍ നടത്തിയ പ്രതിഷേധ പ്രകടനത്തിനിടയില്‍ സി.പി.എം പ്രവര്‍ത്തകരുമായി സംഘര്‍ഷമുണ്ടായിരുന്നു. സ്ഥലത്ത് പൊലിസ് സുരക്ഷ ശക്തമാക്കി.