തിരുവനന്തപുരം: മുഖ്യമന്ത്രി കണ്ണുകാണിക്കുന്നതിനനുസരിച്ചാണ് സ്പീക്കര്‍ പ്രവര്‍ത്തിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. മുഖ്യമന്ത്രി പരിധികള്‍ ലംഘിച്ചു. പ്രതിപക്ഷത്തിനും സഭയില്‍ അവകാശങ്ങളുണ്ടെന്നും അത് സംരക്ഷിക്കുന്നതില്‍ സ്പീക്കര്‍ പരാജയപ്പെട്ടുവെന്നും ചെന്നിത്തല കുറ്റപ്പെടുത്തി.

യുഡിഎഫ് സര്‍ക്കാരിന്റെ കാലത്ത് പ്രതിപക്ഷ നേതാവായിരുന്ന വി.എസ്. അച്യുതാന്ദന്‍ ആറു തവണ ചോദ്യോത്തരവേളക്കിടെ സംസാരിച്ചിട്ടുണ്ടെന്നും ചെന്നിത്തല ഓര്‍മിപ്പിച്ചു. മാനേജ്‌മെന്റുകള്‍ ചോദിച്ചിടത്ത് ഒപ്പിട്ടുകൊടുത്ത ആരോഗ്യമന്ത്രിയാണ് കെ.കെ ശൈലജയെന്നും പ്രതിപക്ഷ നേതാവ് കുറ്റപ്പെടുത്തി.