നെടുമ്പാശ്ശേരി: കുന്നുകര എം.ഇ.എസ് കോളജ് ഓഫ് എന്‍ജിനീയറിങ് ആന്‍ഡ് ടെക്‌നോളജിയില്‍ എന്‍.എസ്.എസ് യൂനിറ്റിന്റെയും ആലുവ മിത്രധാം റിന്യൂവബിള്‍ എനര്‍ജി സെന്ററിന്റെയും ആഭിമുഖത്തില്‍ ശുചിത്വബോധന യജ്ഞം 2010-2025ന്റെ ഭാഗമായ 'വിജ്ഞാനയാത്ര 2016' കുന്നുകര ഗ്രാമപഞ്ചായത്ത് പ്രസിഡന്റ് ഫ്രാന്‍സിസ് തറയില്‍ ഉദ്ഘാടനം ചെയ്തു.
കോളജ് സെക്രട്ടറി നവാസ് അബ്ദുള്ള, കോളേജ് പ്രിന്‍സിപ്പല്‍ ഡോ. ആത്മാറാം പി, ഗ്രാമ പഞ്ചായത്ത് സ്റ്റാന്‍ഡിങ്ങ് കമ്മിറ്റി ചെയര്‍മാന്‍ സി.യു ജബ്ബാര്‍, ശുചിത്വബോധന യജ്ഞം കണ്‍വീനര്‍ റവറന്റ് ഫാദര്‍ ഡോ. ജോര്‍ജ് പീറ്റര്‍ പിട്ടാപിള്ളില്‍, എക്‌സിക്യൂട്ടീവ് കോര്‍ഡിനേറ്റര്‍ കെ.യു രഞ്ചിത്ത്, ജില്ലാ ശുചിത്വ മിഷന്‍ അസിസ്റ്റന്റ് കോര്‍ഡിനേറ്റര്‍ സി.കെ മോഹനന്‍,കോളജ് ട്രഷറര്‍ വി.കെ.എം ബഷീര്‍ തുടങ്ങിയവര്‍ സംസാരിച്ചു.