തലശ്ശേരി: നരേന്ദ്ര മോദി കാവിവല്‍ക്കരണത്തിലൂടെ ഇന്ത്യയെ പിറകോട്ടു നയിക്കുകയാണെന്ന് സി.പി.എം കേന്ദ്ര കമ്മിറ്റി അംഗം ജി.വി ശ്രീരാമറെഡ്ഢി പറഞ്ഞു പാട്യം ഗോപാലന്റെ ചരമദിനാചരണം പാട്യത്തെ മിനി സ്റ്റേഡിയത്തില്‍ ഉദ്ഘാടനം ചെയ്യുകയായിരുന്നു അദ്ദേഹം. ആര്‍.എസ്.എസും സംഘ്പരിവാറും ഏറ്റവും വലിയ ഭീഷണി ഉയര്‍ത്തുന്ന കാലമാണിത്. സംഘ്പരിവാറിനെ എതിര്‍ക്കുന്ന ബുദ്ധികേന്ദ്രങ്ങളെ അക്രമിക്കുന്നതും യൂനിവേഴ്‌സിറ്റി വിദ്യാര്‍ഥികളെ രാജ്യദ്രോഹികളായി മുദ്രകുത്തുന്നതും പുരോഗമന ചിന്തയെയും എഴുത്തിനെയും ഇല്ലാതാക്കാന്‍ ശ്രമിക്കുന്നതും ഇതിന്റെ ഭാഗമാണ്.
കോഴിക്കോട് നടന്ന ബി.ജെ.പി ദേശീയ സമ്മേളനത്തില്‍ വെള്ളവും രക്തവും ഒന്നിച്ചൊഴുകില്ലെന്നു മോദി പറഞ്ഞത് ഇന്ത്യക്കകത്തുള്ള മുസ്‌ലിങ്ങളെ ഭീഷണിപ്പെടുത്താനാണെന്നും അദ്ദേഹംപറഞ്ഞു.
എം സുരേന്ദ്രന്‍ അധ്യക്ഷനായി. പി ജയരാജന്‍, ടി.കെ ഹംസ, വത്സന്‍ പനോളി, കെ ലീല, പി ഹരീന്ദ്രന്‍, പി ബാലന്‍, ചിന്താ ജെറോം പ്രസംഗിച്ചു. വൈകുന്നേരം പാട്യത്തിന്റെ സ്മൃതികുടീരത്തില്‍ പുഷ്പാര്‍ച്ചന നടത്തി. റെഡ് വളണ്ടിയര്‍ മാര്‍ച്ചും പ്രകടനവും നടന്നു.